Sigurimi i vaksinës anti-covid është një lajm shpresëdhënës për qytetarët shqiptarë. Për mikrofonin e Report Tv ata shprehen se lajmi i një dite më parë i dhënë nga kryeministri Rama ishte një nisje e mbarë e 2021 ndërsa thonë se janë të gatshëm për t’ju nënshtruar vaksinimit sapo të mbërrijë në Shqipëri.
“Si gjithë populli, lajmin për sigurimin e vaksinës anti-covid e kam pritur me kënaqësinë më të madhe, sepse po e prisnin të gjithë, pasi është një sëmundje që nuk i dihet deri kur do vijojë, dhe natyrisht në këtë kushte, sjell një shpresë te ne,” thotë një qytetar.
“Është lajmi më i mirë, që të heqim ankthin dhe frikën. Shpresojmë të mbërrijë sa më shpejtë” shprehen të tjerë qytetarë.
“Vaksinën do ta bëj i pari, do vete i pari për tu vaksinuar.”, “Po, patjetër”, “Patjetër, pse jo”, “Duke parë, duke bërë”, shprehen qytetarët kur pyeten nëse janë të gatshëm për të bërë vaksinën.
Disa prej tyre kanë një përgjigje për skeptikët që mendojnë se vaksina është siguruar vonë.
“E gjithë bota kështu është, me këto hapa po ecën. Unë kam vajzat në Zvicër dhe se kanë bërë ende vaksinën.
Një meritë për sigurimin e vaksinës, e cila vjen në Shqipëri brenda javëve të para të janarit i japin kryeministrit Edi Rama.
“Jemi krenar që kemi këtë kryeministër që interesohet për ne”, tha një qytetar.
Shefi i qeverisë njoftoi ditën e djeshme se Shqipëria ka siguruar 500 mijë dozat e para të vaksinës Pfizerdhe procesi i vaksinimit do të nisë brenda Janarit. Të parët që do të përfitojnë mbrojtjen nga virusi vdekjeprurës janë mjekët, mësuesit, policët dhe të moshuarit. Vaksina do të jetë falas dhe jo e detyrueshme./ shqiptarja.com
