Dalin detaje të reja për heroinen e sekuestruar në 11 janar të këtij viti në Kapshticë nga policia greke.
Kjo e fundit ka bërë të ditur se ka prova të forta që droga i përket shoferit të autobusit Ilir Rustemi. Në banesën e 54 vjeçarit që u arrestua në flagrancë nga policia helene, policia e Korçës gjeti rreth 400 gr kanabis.
Policia greke ka lënë të lirë shoferin e dytë dhe fatorinon e autobusit, të cilët u arrestuan bashkë me shoferin 54 vjeçar.
Heroina e sekuestruar nga greket solli furtunë shkarkimesh në rradhët e policisë kufitare të Kapshtices, si dhe të shefit të hetimit të Krimit në drejtorinë e kufirit dhe migracionit Edmond Çela.
Çela rezulton të jetë pronari i shoqërise Metro, në autobusin e së cilës u zbulua 2 kg heroinë.
Ndaj Çeles SHÇBA po vijon procedimin disiplinor.