Drejtuesi i mediave Panorama, Alfred Peza dënon sulmin e IKMT ndaj “Prestige Resort”. Sipas tij, paligjshmëria qëndron se IKMT nuk ka zbatuar ligjin dhe procedurën ligjore që duhet bërë. Sipas Pezës, ky është një sulm i pastër dhe me urdhër direkt të kryeministrit Rama.
“Ne këtë shesh në këtë resort ishte llogaritur të bëhej një dasmë amerikane. Shqipëria është e mbushur me ndërtime pa leje. Ky është një qëllim i pastër politik, për shkak se pronari i këtij resorti është botuesi më i madh dhe sulmi bëhet për shkak të denoncimeve që janë bërë në media.
Është urdhër direkt i kryeministrit Rama. Kam negociuar që kjo të mos ndodhte sepse është në shkelje të ligjit. Subjekti nëse është në shkelje të ligjit duhet ti jepet kohë. Fakti që sapo ndërrohet kryeinspektorja dhe jep dorëheqjen kryeinspektori sepse nuk donte të firmoste këtë urdhër sot tregon se urdhri është nga Rama”
Peza më tej tha se “subjektit duhet ti ishte dhënë kohë 30 ditë, ose ti jepej kohë për të shkuar në gjykatë. Fakti që këto nuk janë zbatuar të bëjnë të kuptosh se kjo është një goditje”.
