Policia e Vlorës ka arrestuar 2 drejtues mjetesh pasi drejtonin automjetin nën efektin e alkoolit.
Në pranga u vu shtetasi Gentjan Dhoraj, 31 vjeç, banues në Vlorë.
Arrestimi i tij u bë në lagjen “28 Nëntori” pasi ky shtetas duke drejtuar në gjendje të dehur mjetin motor tip “Yamaha” me targa greke IZY 153, ka goditur automjetin e markës “Ford Fiesta” në pronësi të shtetasit R.K.
Gjithashtu u arrestua Emiljano Latifaj, 41 vjeç, banues në Vlorë.
Arrestimi i tij u bë në lagjen “4 Heronjtë” pasi ky shtetas u kap duke drejtuar në gjendje të dehur automjetin e markës “Ford Focus” me targa AA 195 JB.
Materialet iu referuan Prokurorisë për veprat penale “Shkelja e rregullave të qarkullimit rrugor” dhe “Drejtimi i automjetit në mënyrë të parregullt”.
