Shumë shpejt të apasionuarit pas librit do të kenë një ambient dinjitoz leximi.
Bashkia e Tiranës është drejt përfundimit të rikonstruksionit të bibliotekës që mban emrin shkrimtares “Musine Kokalari” në Njësinë 7, si pjesë e projektit të rijetësimit të bibliotekave të lagjeve në Tiranë.
Por siç shihet nga fotot nga ky projekt kanë përfituar edhe banorët e lagjes, të cilët kanë tashmë një pallat me një pamje krejt të re.
Ndërmarrjet e bashkisë së bashku me rikonstruksionin e plotë të bibliotekës kanë mundësuar edhe rehabilitimin e fasadës së pallatit që gjendet në Bulevardin “Gjergj Fishta”.
