Tentuan të kalojnë ilegalisht kufirin duke përdorur dokumente false italiane, bullgare e sllovene me destinacion Anglinë dhe vendet e BE-s, 727 persona vihen nën hetim nga Janar deri në Nëntor 2019.
Burime nga prokuroria e Tiranës bënë me dije se këta persona janë ndaluar në pikën e kalimit kufitar Rinas dhe disa prej tyre janë tashmë të dënuar nga drejtësia për veprën penale falsifikim letërnjoftimesh dhe kalim pa leje të kufirit.
Por një numër më i lartë shqiptarësh janë prekur nga dëbimet dhe shkelja e rregullave të lëvizjes së lirë në vendet e BE-s. ReportTv mëson se 1702 shtetasve u është ndaluar të udhëtojnë jashtë Shqipërisë dhe ata janë bllokuar teksa kishin prerë edhe biletat e avionit dhe kishin destinacion Italinë, Greqinë, Gjermaninë, Francën.
