Një ngarkesë e llojit kokainë me sasi prej 475 kilogramë, e trafikuar nga Përparim Rraja, Ervis Shuli, Zamir Çoku alias Aliaj, dhe persona të tjerë të paidentifikuar, është sekuestruar në Holandë më datë 23.11.2020. Kjo ngarkesë është episodi i 3-të i hetuar nga SPAK ku të përfshirë janë pjesëtarë të fisit Rraja të Fushë-Krujës, drejtues të një prej bandave kriminale më të forta të zonës dhe grupe të tjera kriminale.
Ky episod është i dokumentuar nga SPAK në dosjen hetimore të kopsitur për fisin Rraja dhe të tjerë eksponentë kriminalë, të cilën gazetarja e Report Tv Keti Banushi e disponon. Kjo ngarkesë është porositur nga Ekuadori dhe do të trafikohej përmes rrugëve ujore. Ngarkesa është bllokuar nga autoritetet hollandeze në Vlisingen port.
Biseda e Ervis Shulit me Zamir Çokun:
Ervis Shuli: Vlla ajo ra
Ervis Shuli: Amin vlla
Ervis Shuli: Ske cfar vlla na pas marr te keqen
Ervis Shuli: Cpb ti si ke nga shpia
Ervis Shuli: Po vlla
Ervis Shuli: Jo vlla pa ndis naj pun tjeter nuk vi vlla
1 kilogramë kokainë përllogaritej rreth 5700 dollarë. Në 475 kg, 2 kilogramë ishin të Zamir Aliajt, i cili pagoi 11400 euro për transportin, vetë Ervis Shuli që kishte organizuar transportin, një tjetër i paidentifikuar dhe Përparim Rraja 2 kg, paratë për të cilin i kishte paguar Ervis Shuli, pasi Rraja nuk ishte mirë nga gjendja financiare në atë kohë.
