Koha më e mirë për t’u ushtruar në palestër nuk është ajo që ju caktojnë të tjerët. Duhet ta keni parasysh gjithmonë, se mënyra më e mirë për të mbajtur trupin në formë dhe të qëndroni larg stresit, është aktiviteti fizik. Që koha juaj në palestër të ketë efekte, duhet me patjetër që të koordinoni mirë oraret. Të alternoni orarin e punës, të të ushqyerit, takimin me miqtë dhe gjumin. Banafsheh Hassanzadeh, instruktor personal tek “Ride Republic”, ka treguar për “HuffPost UK”, se cila është koha ideale e të ushtruarit.
“Koha më e mirë që të ushtrohesh në palestër është ajo që ju mund ta përballoni. Koha që ju mendoni se mund të bëni palestër pa dhënë justifikime, pa e anuluar dhe kur e dini që nuk jeni të lodhur për të dhënë më të mirën tuaj. Ju duhet të ushtroheni, atëherë kur ju ndiheni gati për të shkarkuar dhe marrë energji. Kështu mund të merrni rezultate më të mira”.
Nëse nuk mund të ushtroheni në mëngjes ose darkë, mundohuni të paktën të bëni pak vrap apo joga në kohën e drekës.
Mos harroni, aktiviteti fizik sjell 1000 të mira në shëndetin tuaj mendor dhe fizik. Trupi juaj do të ndihet më i lirë, mendja më e qetë dhe do të jeni çdo ditë më energjik në punë.
