Një ngjarje tragjike ka ndodhur ditën e sotme ku një 77 vjeçar shqiptar në Itali ka humbur jetën pasi ka rënë në pus.
Raste të ngjashme nuk janë të pakta, pasi në vendin tonë ka pasur plot të tilla duke filluar nga fëmijë që kanë qënë duke lujatur pranë posit tek të rinjtë që kanë rënë aksidentalisht nga papërgjegjshmëria.
Çfarë ndodhi sot, vdes 77 vjeçari:
Kufoma e një shqiptari është gjetur mëngjesin e sotëm në një pus në zonën e Umbrias, Itali.
Bëhet fjalë për 77-vjeçarin Cin Nika, trupi i pajetë i të cilit është gjetur gjatë kërkimeve.Ka qenë një qen i zjarrfikësve që e ka gjetur trupin e pajetë sot në mëngjes.
Me shumë mundësi ngjarja është aksidentale.Siç kanë shpjeguar të afërmit, i moshuari çdo mëngjes dilte për tëmbledhur manaferra.
Dhe të hënën po ashtu kishte dalë për të mbledhur manaferrat dhe nuk është kthyer.Pasi nuk ka ardhur në shtëpi, është dhënë alarmi dhe kanë nisur kërkimet.
Vetëm mëngjesin e sotëm është gjetur trupi i pajetë.
Katër vjeçari nga Elbasani gjendet i pajetë në pus
Një ngjarje e rëndë është shënuar në fshatin Plan i Bardhë të qytetit të Matit.
Një i mitur 4 vjeç ka gjetur vdekjen, pasi ka rënë në një pus me ujë. Kanë qenë familjarët e vogëlushit që e kanë gjetur të pajetë.
Fëmija me inicialet L.K ka qenë duke luajtur në oborrin e shtëpisë pranë pusi dhe ka rënë brenda dhe për pasojë ka humbur jetën.
25 vjeçarja nga Mallakastra bie në pus
Një 25 vjeçare në Mallakastër ka rënë në një pus uji, por fatmirësisht është nxjerrë nga zjarrfikësit. Kjo ngjarje ndodhi në fshatin Gjerbës të bashkisë Mallakastër.
Rreth orës 19:30 minuta Arta Bregasi ka rënë në një pus uji të thellë rreth 20 metra. Menjëherë pasi kanë mësuar ngjarjen është njoftuar reparti zjarrfikës në Mallakastër, dhe e reja është nxjerrë per tu dërguar më pas në spital për kujdesin e nevojshëm.
Korçë, 15 vjeçari humb jetën pasi bie në pus
Një 15-vjeçar ka humbur jetën pasi ka rënë aksidentalisht në një pus. Ngjarja e rëndë ka ndodhur në fshatin Zvezdë në Korçë ndërsa viktima është 15-vjeçari me inicialet G.Ruti.
Imituri kishte dalë herët në mëngjes për të kullotur bagëtitë ndërsa ngjarja ka qënë aksidentale.
/AlpeNews.al
