Të tjera përgjime janë publikuar në lidhje me Habilajt, grupin e trafikut të drogës të hetuar nga antimafia italiane dhe që ka dyshime për lidhje me ish-ministrin e Brendshëm, Saimir Tahiri.
“Ej shoku, e di ti se cili është rreziku im? Unë nuk shkoj personalisht të prek ndonjë gjë me dorë. Fus lekë për të bërë këtë “punë”. Rrezikojmë lekët. E imagjinon dot se çfarë ndodh?! Doja t’i thoja se pa lekë nuk bëhet gjë… pasi ky donte punë pa lekë… po ti a e di se sa lekë hidhen atje lart për të arritur këtu puna?” – thotë i arrestuari Nezar Seiti, i cili ndodhej në makinën e Habilajt me Maridian Sulajn.
Përgjimi është publikuar nga gazetari Basir Çollaku, ku të arrestuarit janë përgjuar teksa flasin për lumin e parave që hidhen lart për të punuar qetësisht. Sipas gazetarit kjo pjesë është depozituar në gjykatë nga prokuroria. Saimir Tahiri, ish-ministri i Punëve të Brendshme është nën hetim nga Prokuroria për Krime të Rënda.
