Mjeku Roland Xhaxho i cili u prek nga COVID-19 ka rrëfyer për ”News24” si e kaloi situatën si pacient tek Infektivi duke rrëfyer dhe sekretet e virusit.
Xhaxho thotë se prej virusit ka rënë pak nga pesha por mendërisht dhe fizikisht s’kishte probleme sepse pasi është mësuar me ambientet e mbyllura.
Ndërkohë ai tha që ka 1 muaj e gjysëm që nuk sheh nënën e tij të moshuar dhe vjehrrën por Xhaxho thotë se mosha e thyer ”duhet të mbrohen duke u izoluar kurse të rinjtë duhet të dalin dhe të punojnë por të mbrojnë nga ana tjetër të moshuar.
Krijuam një Task- Forcë për t’i paraprirë situatës duke inspektuar gjithë logjistikën, duke futur në ambientet diku jam kontaminuar dhe unë. Por falë Ministrisë së Shëndetësisë kurba është menaxhuar mirë.
Unë gjatë qëndrimit tim në spital, si mjek reanimator jam aktivizuar për të parë të sëmurë të tjerë por gjatë qëndrimit vura re që rastet COVID-19, siç isha unë janë shumë të pakta. Problemin më të madh e kemi me ata që vuajnë nga patologji të tjera dhe mund të infektohet. Por me masat që janë marrë ka bërë që të jetë një numër shumë i vogël.
Në reanimacion nuk kishim të intubuar. Aktualisht, shumë pak pacientë mund të kontaminohen dhe janë ata që kanë patologji të tjera.
Po ju tregoj një sekret të vogël.Kam nënën 85 vjeçare. Kam 1 muaj e gjysëm që nuk i kam parë. Të lirohen për të rinjtë por të mbrohen për të vjetrit. Të sakrifikojë, të punojë por të mbrojë.
Pra familjarët të izolohen.
Ne mjekët kemi një gjë specifike që jemi mësuar të punojmë në ambiente të mbyllura 24 orë. Nuk ndjeja ndonjë gjë pasi kur kam qenë i ri kam punuar edhe 1 javë në reanimacion. Tani jam 2 herë negativ.
Kjo sëmundje të rrëzon pak nga pesha por aspektit mendor dhe fizik s’ka probleme. Unë po punoj, kam hapur kompjuterin. Pacientët më stimulonin se më thoshin doktor shërohu dhe kthehu se po të presim.”- tha Xhaxho.
