Ish-ministri i Shëndetësisë Ilir Beqaj, i cili është emëruar drejtues i qarkut të Shkodrës nga PS, ka folur në lidhje me protestën që u zhvillua ditën e sotme në qytet për vrasjen e Klodian Rashës.
Beqaj është shprehur se kjo është një veprim i shumtuar i opozitës kur nuk marrin dot votën. Ai tha se është një tentativë e shumtuar kur në një protestë të tillë përfshihen edhe fëmijë.
Beqaj i ka vazhduar edhe më tek akuzat për opozitën duke thënën se ata edhe tre javë më parë falsifikuan dokumenatat për numrin e viktimave dhe nuk ia dolën, ndërsa tani po përdorin protestën.
“Nuk ka ndodhur në 30 vjet të ketë dhunim të selisë së një partie. Kjo është një taktikë e shëmtuar për të përfshirë fëmijët. Tregon degradimin e opozitës aktuale e cila është në panik përballë pamundësisë për të fituar me votë dhe përdor forma nga më të shëmtuarat duke përdorur dhe fëmijët. Si mund të ketë qenë marshimi i qetë kur ngjarjet janë evidente dhe në krye të protestës është Voltana Ademi kryetarja e Bashkisë Shkodër. Është e qartë kush e urdhëron, kush e mbështet dhe kush i del për Zot dhe politikisht dhe shpirtërisht. Ngjarja e vrasjes së 25 vjeçarit ka qenë shumë e dhimbshme, por reagimi qoftë politik qoftë shtetëror ka qenë i shpejtë dhe i duhur. E provuan para tre javësh me falsifikimin e dokumentave për viktimat për nuk ia dolën dhe tani sërish.Unë mendoj se ky perceptim se gjoja se është zemrim i popullor nuk është i vërtetë është evidente që ka vetëm një përpjekje të opozitave për të trazuar Shqipërinë. Do të ketë patjetër një reagim fillimisht nga PS Shkodër dhe më pas vijnë reagimet politike por dhe përpjekjet për t’i hapur rrugë drejtësisë,” tha Beqaj ndër të tjera për ‘oranews’.
