Shantazhi i një 24-vjeçari nga Azerbajxhani, ndaj një vajzë shqiptare që kishte humbur portofolin, u konsumua fillimisht nëpërmjet internetit.
Ngjarja ka ndodhur në kryeqytetin italian. Sipas mediave lokale, 22-vjeçari, në të njëjtën mbrëmje në të cilën vajza paraqiti një raport të humbjes së portofolit në Komisariatin e Appio-s, mori një mesazh nga M.A. në profilin e saj në Instagram: “Do të kthej portofolin, por në këmbim, unë dua një performancë seksuale”.
Kur vajza e kuptoi se nuk kishte asnjë mënyrë tjetër për të ndaluar mesazhet e bashkëbiseduesit e saj, ajo kërkoi ndihmë nga efektivët e policisë, të cilët, në bashkëpunim me shqiptaren, ngritën një kurth për ta arrestuar 24-vjeçarin.
Vajza la një takim me të riun në një bar.
Kështu, erdhi edhe arrestimi i 24-vjeçarit në flagrancë për veprën penale tentativë zhvatje, pasi shantazhoi sërish vajzën, këtë herë në vendin ku u takuan.
Në një nga xhepat e pantallonave, efektivët gjetën lejen e qëndrimit në Itali të shqiptares, raportoi këtë të diel “Il Messaggero”.
Gjeneralitetet e shqiptares nuk bëhen me dije.
