Ministri i Brendshëm Bledi Çuçi njoftoi vendimin e qeverisë në lidhje dhënien e shtetësisë shqiptare për personat e huaj që kanë kontribute të spikatura në fushën e arsimit dhe shkencës.
Nga ambientet e jashtme të kryeministrisë, teksa njoftoi VKM-në, Çuçi bëri me dije se ky vendim do të përdoret si një instrument për të përthithur rekordmenët dhe talentët e rinj që të garojnë në kompeticione ndërkombëtare për Shqipërinë.
“Sot miratuam një vendim që merret me dhënien e shtetsisë shqiptare të shtetasve të huaj që kanë kontribute të spikatura në fushën e arsimit dhe shkencës. Është një vendim që vjen si plotësim i një neni që e kemi për shtetësinë dhe përcakton procedurat dhe kohëzgjatjen e afateve për dhënien e shtetësisë shqiptare për këta perosona me kontribute në arsim dhe shkencë.
Ky është një vendim që mund ta përdorimin si një instrument për përthithjen e talenteve të rinj apo rekordmenëve të cilët përmes marrjes së shtetësisë shqiptare mund të përfaqësojnë shtetin shqiptar në kompeticione ndërkombëtare”, tha Çuçi.
