Polonia e ka paralajmëruar presidentin rus Vladimir Putin të mos fluturojë nëpër hapësirën e saj ajrore për një samit të planifikuar në Budapest me presidentin e SHBA-së Donald Trump, duke cituar një urdhër-arresti të Gjykatës Ndërkombëtare Penale (ICC).
Ministri i Jashtëm polak, Radoslaw Sikorski, tha se vendi mund të jetë i detyruar ligjërisht të ndalojë Putinin nëse ai hyn në territorin polak.
“Nuk mund të garantoj se një gjykatë e pavarur polake nuk do t’i urdhërojë qeverisë të shoqërojë një avion të tillë për t’ia dorëzuar të dyshuarin gjykatës në Hagë.”
Gjykata Penale Ndërkombëtare lëshoi urdhrin në vitin 2023, duke akuzuar Putinin për deportimin e paligjshëm të qindra fëmijëve ukrainas gjatë luftës. Rusia e hedh poshtë juridiksionin e gjykatës dhe i mohon akuzat.
Hungaria, ku do të zhvillohet samiti, ka premtuar se do t’i lejojë Putinit të hyjë dhe të dalë nga vendi në mënyrë të sigurt. Megjithatë, për të shmangur fluturimin mbi Ukrainë, delegacioni rus ka të ngjarë të duhet të kalojë hapësirën ajrore të të paktën një shteti anëtar të BE-së, të cilat të gjitha njohin juridiksionin e GJPN-së.
Polonia, një anëtare e NATO-s dhe mbështetëse e fortë e Kievit që nga pushtimi i Rusisë në vitin 2022, theksoi rreziqet ligjore dhe sugjeroi që duhet të përdoret një rrugë alternative.
