Ka shkuar në 3 numri i të arrestuarve në kuadër të operacionit “Premtimi” ku u godit një rast shfrytëzimi prostitucioni.
Burime zyrtare bënë me dije se u arrestua i riu shpallur në kërkim, shtetasi me inicialet F. Xh., 26 vjeç.
Ky shtetas, në bashkëpunim me shtetasit J. D. dhe T. M., (të arrestuar më parë në kuadër të këtij operacioni), me premtimin për martesë dhe për t’u larguar në vendet e BE-së, kanë sjellë në Shqipëri dy shtetase, të cilat dyshohet se i kanë shfrytëzuar seksualisht me persona të tjerë.
Punohet për identifikimin dhe kapjen e shtetasve të tjerë të dyshuar si të përfshirë në aktivitet kriminal. Materialet i kaluan Prokurorisë së Rrethit Gjyqësor Tiranë, për veprime të mëtejshme.
