“COVID-19 është kthyer në një sëmundje endemike dhe virusi nuk është zhdukur ende për shkak të karakteristikave të saj dhe varianteve të reja”.
Kështu u shpreh në një intervistë për “Euronews Albania”, mjeku Kita Sallabanda.
Sipas tij, njerëzit do duhet të mësohen që të jetojnë me COVID-in, ashtu si me virusin e gripit apo viruse të tjera.
“COVID-19 është kthyer në një sëmundje endemike, do vazhdojmë të jetojmë me të. Do ketë ditë që do rriten ose do zbresin numrat. Ne në Evropë japim të dhëna dy here në javë, jo si në Shqipëri që jepen çdo ditë, kjo është absurde. Do vazhdojmë të jetojmë me këtë virus, siç po jetojmë me virusin e gripit.
Nuk e kemi zhdukur akoma sepse ky virus ka karakteristika të veçanta dhe kanë dalë variante të reja të Omicronit, ka dalë vartianti BA4, BA5 që kanë shumë ndryshime nga variantet e tjera”, theksoi ai.
Sipas Sallabandës, ende ka shumë njerëz që nuk janë vaksinuar dhe Shqipëria është një vend që ka një numër më të ulët vaksinimi në krahasim në vendet e tjera të Evropës.
Ai nënvizoi se ky është një problem i madh që Ministria e Shëndetësisë duhet ta ketë në konisderatë.
