Kryeministri Edi Rama, është pritur me këngë polifonike dhe iso labe në Kuç, siç e quan ai mbi videon e publikuar, një nga majat më të bekuara të Labërisë.
Rama paralajmëroi se shpejt të gjithë mund të vijnë në këtë vend, falë rrugës së re, dhe të shijojnë bukuritë përrallore që mbart kjo zonë.
Teksa ka zhvilluar një bisedë me qytetarët, Rama ka thumbuar dhe Presidentin Ilir Meta.
Pjesë nga biseda:
Qytetari: Do të dorëhiqet presidenti?
Edi Rama: Kështu ka thënë, por ai është me hënë, kur ka qenë hëna mbarë kemi bërë punë të mira bashkë, por këtë herë është kthyer hëna mbrapsht dhe nuk kthehet.
