Kryetarja e Lëvizjes Socialiste për Integrim, Monika Kryemadhi i ka bërë thirrje shqiptarëve të bashkohen masivisht në protestën e opozitës që do të mbahet në 16 shkurt.
Kryemadhi, nga Kavaja ku zhvilloi një takim me strukturat e partisë, u shpreh se e vetmja rrugë e Shqipërisë drejt BE-së është largimi i Edi Ramës.
“16 shkurti do të jetë një datë që ne do të mblidhemi të gjithë, tashmë situata në të cilën gjendet Shqipëria është mjaft alarmante.
Jam e bindur që edhe Kavaja është një nga qytetet që mund të ketë përqindjen më të lartë për të pasur Shqipërinë në BE.
Djemtë dhe vajzat e Kavajës punojnë në emigim, mbajnë familjet që janë këtu.
Per të pasur Shqipërinë si një vend europian, ne nuk kemi zgjidhje tjetër, të largojmë Edi Ramën.
Largimi i këtij kryeministri që ka marrë pneg PS-në, qeverinë dhe parlamentin është mision kombëtar.
Sepse ky njeri çdo ditë e më shumë jo vetëm grabit Shqipërinë, grabit të varfërit, por merr peng fatet e shqiptarëve”, tha ndër të tjera Kryemadhi.