“Ditëve me reshje shiu do ti vijë fundi”- kështu njofton shërbimi meteorologjik ushatark, ndërsa thuhet se javën që vjen do të hyjnë në qarkullim rrymat e nxehta afrikane.
Teksa bëhet e ditur se përgjithësisht gjatë gjithë javës do të mbizotërojë moti me diell, SHMU thotë se në brigjet detare, kryesisht në bregdetin Jonian, deri ditën e mërkurë era do të fitojë forcë gjatë orëve më të nxehta mesatare e hera herës e vrullshme.
Ndërsa sa i përket temperaturave ato do të pësojnë rritjen e tyre më të ndjeshme gjatë orëve të mesditës, dhe pikërisht në këto orare qytetarët duhet të bëjnë kujdes nga rrezet e forta të diellit.
“Ditëve me reshje shiu do ti vijë fundi në javën që pritet të nisë. Ashtu sikundër ndodh në muajin Korrik, në vend do të hyjnë në qarkullim rrymat e nxehta Afrikane. Përgjithësisht, do të mbizotërojë moti me diell e vranësira kalimtare në male. Era, gjatë gjithë kësaj jave do të fryjë nga juglindja e veriperëndimi e lehtë në tokë.
Në brigjet detare e veҫanërisht në bregdetin Jonian, deri ditën e mërkurë era do të fitojë forcë gjatë orëve më të nxehta mesatare e hera herës e vrullshme. Temperaturat si në tabelë, do të pësojnë rritjen e tyre më të ndjeshme gjatë orëve të mesditës.
Ju urojmë një javë të mbarë dhe kujdes nga rrezet forta të diellit gjatë orëve të mesditës!” njofton SHMU.
