DITA NDËRKOMBËTARE E GRUAS/ Ambasadori Qemal Minxhozi mer pjesë në ceremoninë përurimit të “Kooperativa Bujqësore Krusha”

Pikërisht, sot në Ditën Ndërkombëtare të Gruas, ambasadori i Republikës së Shqipërisë, z. Qemal Minxhozi mori pjesë në ceremoninë e përurimit të “Kooperativa Bujqësore Krusha”, projekt i financuar nga Bashkimi Evropian dhe me kontribut vullnetar të disa bizneseve vendore, të kordinuara nga Ambasada e Shqipërisë.
Sot më shumë se kurrë, vuajtjet, dhembja, sakrifica e grave të Krushës u shpërblye.
Gati 5 vjet më parë, ky projekt ishte një ëndërr, të cilën vetë Fahrie Hoti, heroina dhe shembulli i gruas së pamposhtur, që nuk u dorëzua kurrë, nuk besonte se do bëhej realitet.
Me mjediset e reja bashkëkohore, të denja siç i ka hije, gratë e Krushës do të kenë mundësinë të mbajnë familjet, të rrisin fëmijët e të kontribuojnë në zhvillimin e zonës.