Sot shënon 13 Qershori, Dita e Shna Ndout, një ditë e veçantë për të gjithjë besimtarët katolikë, pasi ata mblidhen që një natë më parë tek Kisha e Laçit për të kremtuar natën e Shna Ndout.
Nata Shna Ndout është me 12 qershor ku mijëra besimtarë presin që të vijë data 13 që është dita e Shna Ndout.
Me qirinj në duar besimatrët kanë ngjitur shkallët që nisin në krye të qytetit të Laçit dhe që të çojnë drejt vendit të shenjtë duke përshkuar njëri pas tjetrit rrugën dhe duke uruar njeri tjetrin me fjalët “u ndihmoftë”.
/AlpeNews.al
RITUALI I 13 TË MARTAVE:
Peleginazhi i shenjtë i besimtarëvë të feve të ndryshme fillon në mes të muajit mars, që është e marta e parë e pelegrinazhit në shenjtoren e Shna Ndout dhe përfundon në 13 qershor që është dhe festa e këtij shenjti. Për 13të të marta, besimtarë të shumtë të të gjitha feve, me qirinj në duar dhe me lutje të veçanta sfidojnë fatin e tyre, duke besuar në mrekullitë e Shna Ndout. Rituali i shenjtores fillon sapo kalon qytetin e Laçit dhe fillon ngjitjen në mal. Ndalesa e parë bëhet tek gjurmët që është dhe vendi ku mendohet se ka kaluar Shna Ndou. Në gurë janë shenjat e këmbëve dhe të duarve të tij, gjithashtu vendi ku mendohet se ai ka pushuar. Të gjithë besimtarët përshkojnë këto pjesë të shenjta të pelegrinazhit me prekje dhe vendosje të kokës, duarve dhe komplet trupit në vendin për të cilin mendohet se ka kaluar Shna Ndou.
Alpenews.al ju sjell pamje nga Kisha e Laçit.
Përgatiti: AlpeNews.al