Kryetari i Partisë Demokratike, Lulzim Basha deklaroi sot se “PD do të vazhdojë të mbështes të rinjtë duke ulur tarifat universitare”.
“Në Ditën Ndërkombëtare të Rinisë, rikonfirmoj mbështetjen e Partisë Demokratike për rininë, duke përfshirë uljen e tarifave universitare dhe stazhe vjetore pune me pagesë për studentët”, shprehet Basha.
Po ashtu, kryetari i PD-së Basha ka postuar një poster grafik ku sipas tij Shqipëria zë vendin e parë në Europë për papunësinë.
“Shqipëria zë vendin e parë në Europë për papunësinë. 300 mijë të rinj shqiptarë janë pa punë. 133 mijë të rinj kanë braktisur shkolla në katër vjet. 0 lekë nga qeveria për mbështetjen e rinisë. 70% e të rinjve kërkojnë të largohen nga Shqipëria drejt BE-së”, shprehet kryetari i PD-së.
Gjithashtu Basha shton se “Shqipëria zë vendin e parë në botë për përdorimin në të lartë të kokainës për të rinjtë”.
