Punimet po vijojnë me shpejtësi në godinën e ish- universitetit privat që do të funksionojë si spital COVID- 19, për të prekuri me koronavirus që janë drejt shërimit.
Në ditën e 5-të, që nga inspektimi i këtyre ambienteve nga kryeministri Edi Rama dhe ministrja e Shëndetësisë, Ogerta Manastirliu, punimet kanë vijuar me intensitet të lartë, për të përfunduar në kohë. pamje me dron nga godina e cila brenda 30 ditëve, të paktën ky është afati i përcaktuar nga qeveria, do të shndërrohet në një spital COVID-19.
Kjo është pjesë e skenarit të katërt, pas spitalit Infektiv, “Shefqet Ndroqit” dhe Urgjencës kirurgjikale në QSUT. Sipas projektit të prezantuar nga ministrja e Shëndetësisë, Ogerta Manastirliu, kati i parë i kësaj godine do të jetë një reanimacion për shërbimet bazë, s dhe do të ketë hapësira për organizim të veshjeve të personelit mjekësor që do të punojë në këto ambiente. Në çdo kat tjetër do të ketë një strukturë infermierie, një farmaci, një depozitim të vendosjes së mbetjeve spitalore, një imazheri dhe laborator bazë, dhe sipas ministres është një godinë lehtësisht e përshtatshme për t’u shndërruar në një spital.
