Një valë e ashpër e motit dimëror ka mbërthyer Evropën Qendrore dhe Veriore, duke shkaktuar paralizë në transportin ajror dhe hekurudhor, si dhe mbylljen e mijëra shkollave. Nga Parisi në Amsterdam, dhe deri në Skoci, bora dhe akulli kanë vënë në vështirësi autoritetet dhe udhëtarët.
Holandë, aeroporti Schiphol kthehet në “fjetore”
Situata më kritike raportohet në Holandë. Aeroporti i Schipholit është përballur me anulimin e rreth 800 fluturimeve, kryesisht të kompanisë KLM. Mbi 1,000 pasagjerë të bllokuar e kaluan natën në terminal, ku për herë të parë u desh vendosja e shtretërve të kampingut për të akomoduar njerëzit.
Rrjeti hekurudhor holandez është gjithashtu në kolaps. Defektet në ndërruesit e shinave për shkak të ngricave kanë bllokuar linjat rreth Roterdamit dhe Bredës, ndërsa lidhja me shpejtësi të lartë drejt Belgjikës është ndërprerë. Instituti Mbretëror Meteorologjik (KNMI) ka lëshuar “alarmin portokalli” për shkak të akullit dhe reshjeve të borës që pritet të arrijnë deri në 10 cm.
Francë, përmirësim i lehtë në Paris, por 12 departamente në alarm
Në Francë, situata ka nisur të përmirësohet gradualisht pas reshjeve të mëngjesit. Në rajonin Ile-de-France, autobusët kanë rifilluar qarkullimin, por trafiku hekurudhor periferik (RER dhe Transilien) mbetet me probleme, veçanërisht në linjat A, C, V, N dhe U. Metroja e Parisit funksionon normalisht.
Megjithatë, 12 departamente, përfshirë Corrèze dhe Marne, mbeten nën “alarm portokalli”. Moti ka ndikuar gjithashtu në mbledhjen e mbeturinave në kryeqytet dhe në shpërndarjen e postës.
This Deleted Pretty Woman Scene Was Too Wild For The Viewers
Zestradar
7 Simple Tricks That Will Get You Any Girl
Zestradar
Do t’i harroni papilomat për një javë! Merreni dy herë në ditë!
Parazol
This Ancient Sea Battle Ends With One Brutal Bite
Zestradar
Belgjikë, thirrje për kufizim të lëvizjeve
Belgjika është zbardhur nga dëbora, me akumulime që pritet të shkojnë deri në 10 cm. Aeroporti Bruksel-Zaventem ka raportuar rreth 40 anulime dhe vonesa të shumta. Instituti Mbretëror Meteorologjik ka vendosur vendin në alarm portokalli (përveç bregdetit), ndërsa transporti publik në zona si Hainaut dhe Liège është devijuar ose ndërprerë për shkak të rrezikut në rrugë.
Mbretëria e Bashkuar, stuhia “Goretti” mbyll 1000 shkolla
Ishulli britanik është goditur nga stuhia “Goretti”, duke sjellë temperatura nën zero në të katër vendet e Mbretërisë. Skocia është goditur më rëndë, me Aberdeen që shënon ditën e shtatë me dëborë dhe temperatura -6°C.
Përveç vështirësive në Aeroportin e Liverpoolit, Britania po vuan edhe pasojat e anulimeve në qendrat evropiane (Paris dhe Amsterdam). Mbi 1,000 shkolla nuk janë hapur sot, duke zgjatur detyrimisht pushimet dimërore për nxënësit.
