Ndoshta jeni duke u përpjekur të humbisni peshë gjatë gjithë kohës, por a e dini se ka një ndryshim midis humbjes së masës dhjamore dhe asaj muskulare? Është e rëndësishme të dini se duhet të humbisni masën dhjamore dhe jo atë muskulare sepse në të kundërt do përfundoni me lëkurë të varur.
Një mënyrë efektive për të humbur peshë është që të ndiqni dietën strikte që quhet dieta ushtarake. Ju lejon të krijoni deficitin e nevojshëm kalorik duke kombinuar sasinë e duhur të ushtrimeve areobike me një plan diete të caktuar. Por, mos harroni t’u përmbaheni udhëzimeve nëse doni të merrni rezultatet e dëshiruara.
Para se ta filloni këtë dietë duhet të dini se mund të bëhen dhe disa përjashtime. Për shembull mund të konsumoni thjerrëzat në vend të mishit ose të zëvendësoni një perime me një tjetër.
Dieta mund të jetë paksa strikte, por zgjat vetëm tre ditë. Gjatë kësaj periudhe do t’ju përmirësohet metabolizmi, nivelet e energjisë dhe më e rëndësishmja do humbisni peshën e tepërt. Para se ta përsërisni si dietë duhet të bëni një pushim 4 ditor.
Dita 1
Mëngjesi i parë i dietës ushtarake duhet të përbëhet nga një fetë buke e thekur, një qitro, 2 lugë gjalpë kikiriku dhe një filxhan kafe të zezë ose çaj. Për drekë, hani një fetë buke të thekur me ½ ton peshku dhe pini një filxhan kafe të zezë ose çaj. Mbylleni ditën e parë me një kombinim të 90 gram mish dhe një filxhan me fasule dhe të njëjtën sasi me akullore, një mollë dhe një banane (ose një tjetër frut).
Dita e dytë
Për mëngjes konsumoni një fetë bukë të thekur, vezë dhe gjysma e bananes ose një fruti tjetër. Dreka duhet të përmbajë 5 biskota një filxhan me djathë dhe një vezë të zierë. Përfundojeni ditën me ½ e filxhanit me karrota, 2 hot dog, një filxhan me brokoli, ½ filxhan me akullore me vanilje dhe ½ e bananes ose një fruti tjetër.
Dita e tretë
Fillojeni ditën me 5 biskota, një fetë djathi dhe një mollë. Për drekë, hani një fetë buke të thekur dhe një vezë të zier. Darka e ditës së fundit të kësaj diete ushtarake duhet të përmbajë një filxhan ton, një filxhan akullore (mundësisht vanilje) dhe një ½ bananes (ose një tjetër frut).
Përveç ndjekjes së kësaj diete, duhet gjithashtu të angazhoheni në ushtrime të rregullta, por të përshtatshme për masën tuaj trupore.
/Shije.al
