Dieta e Kremlinit vlerësohet se jep shumë efekt për të humbur në peshë, por edhe për të mbajtur peshën e fituar pas dobësimit. Ky plan ushqimor përmban lloje të ndryshme gatimi, për t’ju dhënë më shumë mundësi që të hani atë që dëshironi. Ajo duhet mbajtur vetëm 1 herë në vit. Kohëzgjatja e dietës së Kremlinit është nga 2 javë në 2 muaj. Ajo quhet ndryshe si dieta e proteinave me nivel të ulët karbohidratesh. Kjo dietë u krijua nga Yevgeny Chernykh, i cili e publikoi në një nga revistat ruse. Pas artikullit shumë njerëz e provuan dhe patën shumë rezultat, duke tërhequr vëmendje në të gjithë botën.
Rezultati: Humbisni 5 kg në 7 ditë dhe mbi 8 kg pas 2 muajsh
Menu-ja e dietës së Kremlinit
E hënë
Mëngjes: Djathë fshati, 2 vezë të ziera, çaj ose kafe pa sheqer
Dreka: Sallatë perimesh (kastravec, domate, lakër) me vaj ulliri, supë me mish, biftek viçi dhe pije pa sheqer
Darkë: Lulelakër të zier, gjoks pule të pjekur pa lëkurë, pije pa sheqer
E martë
Mëngjes: Vezë me proshutë, kafe ose çaj pa sheqer
Drekë: Sallatë me kërpudha dhe perime, biftek viçi, supë me perime
Darka: Sallatë me domate, peshk i zier ose i skuqur, pije pa sheqer
E mërkurë
Mëngjesi: Djathë, 2 kremviçe të ziera, pije pa sheqer
Dreka: Peshk në tavë, sallatë me lakër turshi
Darka: Mish viçi me brokoli, pije pa sheqer
E enjte
Mëngjesi: Vezë të rrahura me djath, pije pa sheqer (kafe, çaj, ujë me limon)
Dreka: Pulë të skuqur dhe brokoli e speca
Darka: Sallatë jeshile me vaj ulliri, limon dhe fara kungulli sipër, mish viçi dhe pije pa sheqer
E premte
Mëngjesi: 2 vezë të rrahura me kërpudha dhe domate, pije pa sheqer
Dreka: Sallatë greke, biftek viçi dhe supë me shparg ose supë me brokoli
Darka: Pulë të pjekur sallatë perimesh dhe një gotë kos
E shtunë
Mëngjesi: Djathë me vezë, pije pa sheqer
Dreka: Qofte, sallatë me perime dhe mish pule me vaj ulliri
Darka: Biftek viçi me perime (lulelakër speca, shparg dhe çdo perime tjetër pa niseshte), pije pa sheqer
E dielë
Mëngjesi: vezë të rrahura me proshutë dhe kërpudha, pije pa sheqer
Dreka: Supë me perime, mish derri, sallatë
Darka: Kremviçe të zier, lulelakër në avull me bizele, mollë
/shije