Kryeministrja e Serbisë, Ana Bërnabiç ka thënë mbrëmë se delegacioni i Beogradit do të jetë në Paris në samitin e ri, për shkak se “dëshiron të ul tensionet dhe të përpiqet të krijojë një hapësirë për dialog”.
Ajo ka vlerësuar se “liderëve në Prishtinë nuk i intereson paqja, stabiliteti, shteti i së drejtës”.
“Ne jemi duke kërkuar çdo mundësi për dialog, kompromis,” tha ajo në RTS dhe shtoi se Serbia është për një të ardhme të ndryshme për njerëzit në Ballkan, transmeton Klan Kosova.
Sipas saj, raporti i Komisionit Evropian mbi përparimin e Serbisë është në përgjithësi pozitiv dhe se është e kënaqur.
