Mesditën e sotme, drejtoresha e shkollës “Osman Llampiraj” në Shtoj i Ri në Shkodër, Saime Hegrepi, doli në një pronocim për mediat ku sqaroi se kishte kallëzuar penalisht mësuesen e shkollës, Luljeta Shytin, për fyerje dhe shpifje ndaj saj dhe familjes së saj.
I menjëhershëm ishte reagimi i mësueses, e cila për JOQ.al ka vënë në dispozicion edhe materialet filmike, në të cilat Luljeta pretendon se duket qartë dhuna verbale dhe fizike e ushtruar si ndaj stafit, edhe ndaj nxënësve.
Pasi i pamë e i ripamë disa herë, ne nuk arrijmë të dallojmë se në cilin moment mësuesja ushtron dhunë.
Ajo që bie qartësisht në sy, është një klasë e paorganizuar, disa fëmijë të paedukuar e të padisiplinuar, që nuk kanë pikën e respektit për mësuesen e tyre, që duan të tallen gjatë orës së mësimit dhe që komplet kundër ligjit, jo vetëm shkojmë me pajisje elektronike të tipit celularë në mësim, por marrin guximin edhe të filmojnë mësuesen e tyre, e ta akuzojnë më pas.
Në një tekst të mbushur me gabime drejtshkrimore, mësuese Luljeta akuzon hapur drejtoreshën e shkollës për të disatën herë.
Në komunikimin me JOQ.al ajo i interpreton në këtë mënyrë videot e mëposhtme:
U thotë nxënësve “do të pres me thikë”. Kur i thonë nxënësi na ke thënë kështu, i mohon, pastaj thotë “kam fol me prindin”. Pastaj dhëndëri vjen në ambient shkolle, kërcënon nxënësit pas shkollës. Nxënësit kanë deponuar në polici. Pastaj thërret djem të ri me hy në shkollë, me kriju probleme. Kushëriri i saj vjen e kërcënon mësuesit. Para dy vitesh i ka ra shpute drejtoresha një mësueseje, e njerëz të partisë e kanë mbrojtur. Kjo ka partinë që e mbron. Po të isha unë, do isha shkarku nga detyra me kohë”.
Nuk e dimë nëse kjo që thotë mësuese Luljeta ka ndonjë bazë vërtetësie apo më shumë është fjalë e thënë në inat e sipër, por në materialet që na vuri në dispozicion, ne nuk dallojmë asnjë lloj dhune verbale, e aq më tepër fizike të drejtoreshës ndaj nxënësve.
