Zv.kryeministri Erjon Braçe ka reaguar nëpërmjet një postimi në “Instagram” pas prononcimit të administratorit të Flamurtarit, Sinan Idrizi për “Panorama Sport”, i cili thumboi Braçen për komentet me zë të lartë kur bëhej fjalë për disfavoret karshi Partizanit.
“Ka disa funksionarë të mirë të shtetit shqiptar, që komentojnë me zë të lartë apo me zë të ulët këto disfavoret, pro këtij apo atij ekipi. Nuk e di a kanë qenë në stadium sot (dje) apo jo, kanë ndonjë koment për të bërë rreth kësaj ngjarjeje? A ka ndonjë koment? A e kanë parë ndeshjen?
A ndiejnë diçka nga humbja e futbollit, nga ndershmëria në futboll? Flamurtari mund të ketë 1001 probleme, por për ndershmërinë në futboll nuk e akuzon dot njeri”, u shpreh Idrizi për Braçen. Ndërkohë zv.kryeministri nuk nguroi t’i përgjigjej dhëmb për dhëmb administratorit të Flamurtarit.
POSTIMI I BRAÇES NË INSTAGRAM:
PER DY LEGJENDA,
PARTIZANIN E FLAMURTARIN,ARBITRIN E PAAFTE,
ZOTIN IDRIZI DHE PER VETE!
Pooo i nderuar zoti Idrizi,
nuk shkruajta dje e sot per ndeshjen
Partizani-Flamurtari vetem prej atij episodi te izoluar dhune!
Nuk me pelqeu! Se pranoj!
Por meqe ju me ftoni te flas,
ne shenje respekti per ata qe luajne ne fushe, ata qe i ndjekin dhe te gjithe ju qe investoni, po e bej!
E para, qysh diten qe kam marre detyren nuk kam shkelur me ne stadium;
Nuk dua te dukem si ata qe kam sulmuar e jo me te bej si ata!
Ti nuk e merr me mend sa me dhemb kjo, por besoj me mire keshtu se sa qenia ime aty te dyshohet, gjykohet e denohet si nderhyrje ne gare!
E dyta, e pashe ndeshjen;
ARBITRI ISHTE I PAAFTE!
Harroje se e kishte blere Partizani!
Ti e di fare mire se Partizani e ka vuajtur kete gje dhe, nuk e ben kurre kunder te tjereve.
Arbitri nuk ishte as “kamikaz” sic nje arradhe e madhe qe eshte sjelle keshtu kunder Partizanit.
Pra, po ju them se Partizani kurre nuk hyn ne marredhenie me arbitrat, kurre!
E treta, raporti i ndeshjes-ai per vendimet e arbitrit, nuk mund te jete ai i nje gazetari te njeanshem qe me ne fund e pa “nje dite te bardhe” te hedhe arbitra ne favor te Partizanit!
Edhe une mbaj shenime kur kam nge dhe, arbitri nuk ndeshkoi nje seri faullash te rende kunder Partizanit, si ai i Trashit apo me te rende se ai.
E katerta, nxjerrja me te kuqe e lojtarit te Flamurtarit ishte banale, vendim idiot dhe me uleritesi qe deshmon paaftesine e arbitrit!
E pesta, dhuna e 5 personave, vetem 5 te tilleve ne 4000 qe ishin ne stadium,
ishte e turpshme, e papranueshme dhe per kete shkak, tifozet e klubi e kane denuar publikisht!
Nuk e kuptoj pse e donit nga une kete;
Une jam njeri nga ata mijera te kuq qe e duam futbollin, jo dhunen!
Por ketu me lejo te them;
Nje ndeshje futbolli eshte gare, pasion e beteje e ndershme deri ne fund!
NUK MUND TE JETE KURRE
PROVOKIM, TALLJE APO HUMBJE KOHE.
Ndodh te kthehet edhe keshtu,
por ky nuk eshte futbolli qe une e ju pelqejme;
Ndryshe shkojme poshte kalit te Skenderbeut e therrasim kete fotografin per foton e duhur,
atje jo ne stadium!
Lere pastaj kur dhunen e therret vete fotografi.
E fundit, respekt pa fund per Vloren!
Perulem
