Dhuna në familje tashmë nuk është më gjë e re në Gjirokastër. Një 51 vjecar, ka rrahur bashkëshorten e tij për arsye mjaft banale.
Ngjarja ka qenë e përsëritur por vetëm një ditë më parë, gruaja e dhunuar, guxoi të denooncojë bashkëshortin e vet për dhunë të ushtruar. Pas kësaj, menjëherë specialistët për Hetimin e Krimit në Komisariatin e Policisë Gjirokastër, arrestuan në flagrancë Perlat Shatrafilin 51 vjeç.
Në dëshminë e vet në polici, bashkëshortja e tij 48 vjecare ka dhënë detaje të dhunës sistematike që ka ushtruar Shatrafili ndaj saj gjatë kohëve të fundit.
Materialet në ngarkim të 51 vjecarit, i kaluan organit të akuzës në për veprime të mëtejshme ndërkohë që ai akuzohet për veprën penale të dhunës në familje.
