Është aarrestuar një nga atuorët e dhunës barbare ndaj efektivit të policisë dhe vëllait të tij në Tiranë.
Në pranga ka rënë 29-vjeçari B. B., ndërsa në kërkim mbeten shtetasit B. B., 35 vjeç, Sh. B., 25 vjeç, B. B., 31 vjeç, dhe B. A., 34 vjeç.
Mësohet se dhuna ndaj efektivit ka ardhur për shkak të një borxhi që ai u kishte personave që e kanë dhunuar me shkopa bejzbolli. Pas arrestimit, në banesën e tij janë gjetur dhe sekuestruar 3 jelekë antiplumb, veshje kamuflazhi si ato të forcave speciale angleze, një shkop gome si ato të Policisë, dhe sasi lënde e dyshuar narkotike kanabis.
Ngjarja ka ndodhur rreth orës 02:26 minuta në sheshpushimin e një pallati në rrugën “Besim Alla” në kryeqytet. Polici dhe vëllai i tij janë sulmuar dhe dhunuar me shkopa bejsbolli nga të paktën 7 persona, të cilët i kanë bërë pritë efektivit të policisë, i cili po lëvizte me automjet.
