“Nëse mendoni se ndodheni në një vrimë të zezë, duhet të kuptoni se nuk duhet të dorëzoheni, ka gjithmonë një rrugëdalje”.
Të jesh i stresuar apo i mërzitur ditët e sotme nuk është e pazakontë. Me zhvillimin e teknologjive dhe shumë gjërave për të bërë njëkohësisht përjetojmë strese dhe ankth të cilat më pas sjellin edhe probleme të shëndetit mendor. Gjeniu, fizikanti dhe një nga mendjet më brilante Stephen Hawking kishte ditëlindjen e 76-të të hënën dhe një ditë më parë mbajti një leksion me studentët anglezë mbi depresionin dhe problemet me shëndetin mendor, duke ndërthurur anën mjekësore me vrimat e zeza në hapësirë. Hawking tha se vrimat e zeza nuk janë aq të zeza sa duken dhe se nuk do mbeten përjetë ashtu, ndryshe nga ajo që kemi menduar.
“Nëse mendoni se ndodheni në një vrimë të zezë, duhet të kuptoni se nuk duhet të dorëzoheni, ka gjithmonë një rrugëdalje”. Ai gjithashtu foli për arritjet e tij dhe se si jetonte me sëmundjen dhe pajisjen që e mban gjallë, që në vitin 1963.
“Edhe pse më erdhi shumë keq kur mësova për sëmundjen time, duhet të pranoj se kam qenë më shumë fat. Pata fatin të punoj në fizikën teorike. Kështu ju them edhe ju: Gjëja më e rëndësishme është të mos zemërohesh, pavarësisht se sa e vështirë mund të duket jeta, sepse mund të humbësh çdo shpresë. Do humbasësh nëse nuk buzëqesh me veten dhe me jetën në përgjithësi. Leksioni i plotë do jetë i disponueshëm në BBC Radio 4 në dy transmetime të veçanta, më 26 janar dhe 2 shkurt.
