Një shpërthim me tritol raportohet mbrëmë në kryeqytet.
Sasia e tritolit ka shpërthyer në një fasoneri në rrugën Fadil Deliu, në zonën e Freskut.
Si pasojë e shpërthimit janë thyer disa xhama ndërsa është dëmtuar edhe një automjet që ka qenë i parkuar pranë fasonerisë. pamje nga vendi i ngjarjes ku shihen dëmet materiale dhe prania e efektivëve të policisë
Njoftimi i policisë
Më datë 25.05.2023, rreth orës 21:50, në rrugën “Fadil Deliu”, në portën e jashtme të një fasonerie në pronësi të shtetasit Italian R. B , dyshohet se ka shpërthyer një sasi e vogël lëndë plasëse.
Si pasojë është dëmtuar dera e jashtme e hekurit, thyer disa xhama dhe një automjet që ka qënë i parkuar. Nuk ka persona të dëmtuar.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit/eve.
