Kryeministri Edi Rama është duke zhvilluar një mbledhje me drejtorët e strukturave të policisë në qarqe.
Takimi po zhvillohet në ambientet e “Vilës 30” në Tiranë, ku është i pranishëm edhe drejtori i përgjithshëm i Policisë, Muhamet Rrumbullaku.
Ende nuk dihet se cili është fokusi i takimit të papritur të kreut të qeverisë me kryepolicët e rretheve.
I pranishëm në takim është edhe ministri i Brendshëm Bledi Çuçi i cili sot prezantoi arritjet e ministrisë së drejtuar prej tij gjatë vitit të kaluar.
Kujtojmë se Policia e Shtetit ka zhvilluar disa operacione të rëndësishme që kanë goditur krimin e oraganizuar dhe korrupsionin, ku kanë qenë të përfshirë edhe zyrtarë e ish-zyrtarë, siç ishte rasti Erisa Feros dhe sekretarit të MF, Arlind Gjokutaj.
Po ashtu, krerët e policisë kanë qenë nën presion për zbardhjen e misterit të zhdukjes së Ervis Martinajt, një prej emrave më të përfolur të botës së krimit.
