Policia e Tiranës ka arrestuar gjatë policort të koduar “Procesi”, një 39-vjeçar me dy emra, i cili mbante në banesë, qese farmaceutike dhe peshore elektronike, për të ndarë në doza sasitë e mëdha të drogës.
Specialistët e Seksionit për Hetimin e Narkotikëve të DVP Tiranë, arrestuan në flagrancë shtetasi Jurgen (Klodian) Sula, 39 vjeç, banues në Tiranë.
“Gjatë kontrollit të ushtruar në banesën e këtij shtetasi, në rrugën “Ramazan Kasa”, shërbimet e Policisë kanë gjetur rreth 540 gramë lëndë të dyshuar narkotike cannabis sativa, 1 peshore elektronike dhe qindra qese farmaceutike për ndarjen në doza të lëndëve narkotike, të cilat u sekuestruan në cilësinë e provës materiale, së bashku me një aparat celular”.
Policia tha se po heton për dokumentimin e plotë të veprimtarisë kriminale të këtij shtetasi.
Materialet i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.
