Detaje të reja janë zbardhur nga ngjarja e rëndë që ndodhi ditën e djeshme në Greqi, ku një 16-vjeçare është gjetur e vdekur në një në oborrin e një kishe në Trikala.
E reja është gjetur me goditje të rënda në fytyrë dhe trup dhe dyshohet se ka rënë nga një lartësi.
Sipas policisë, skenari më i mundshmë është që vajza është ngjitur në një lartësi dhe më pas ka rënë, nuk përjashtohet edhe skenari që vajza të ketë bërë vetëvrasje.
Për vdekjen e 16-vjeçares policia vijon hetimet, e cila ka marrë tabulatet telefonike të vajzës kryer gjatë orëve të fundit. Bëhet me dije se vajza ka kontaktuar me një 27-vjeçar, oficer policie me të cilin do të takohej dhe më pas me miqtë e saj. Por në mesazhet nuk ka asgjë të dyshimtë, veçse një komunikim miqësor.
Për këtë ngjarje të rëndë ka folur për mediat greke babai i 16-vjeçares, i cili është shprehur se vajzën nuk kishte asnjë arsye që të vriste vetën por e kanë varë.
“Lulja ime është vrarë, nuk ka vrarë vetën. Unë dua që e vërteta të gjendet”, tha babai i vajzës 16-vjeçares.
Ndërsa, motra binjake e 16-vjeçares ishte personi i fundit që ka kontaktuar me të. Ajo tha se motra e saj 16-vjeçare do të takohej me një oficer policie 27-vjeçar dhe kishte dalë nga shtëpia në orën 2 të mëngjezit për ta takuar. Ndër të tjera ajo ka treaguar, se motra e ka telefonuar një orë më mbrapa duke qarë, por pa i shpjeguar se çfarë kishte ndodhur.
