Jani Aliaj, 49-vjeçari shqiptar, i cili dyshohet se ishte viktimë e një atentati të paguar, u transferua në burgun e burrave në Greqi, pavarësisht kërcënimeve të njohura ndaj tij. Informacionet mbi planin për ta vrarë Aliajt ishin të hershme për policinë greke.
Televizioni kombëtar grek ANT1 raportoi se Aliaj ishte transferuar më parë në burgun e grave për arsye mbrojtjeje, duke pasur parasysh ekzistencën e një kontrate vdekjeje kundër tij. Sipas gazetarit grek Panagiotis Stathis, “Papritmas, pak kohë më parë, u vendos që ai të transferohej përsëri në degën kryesore të burrave, pa asnjë justifikim.”
Burime të njëjta raportojnë se dy muaj më parë Aliaj kishte marrë sulmin e parë ndaj tij në burg dhe kishte shpëtuar, por pavarësisht qartësisë për rrezikun ndaj jetës së tij, nuk u morën masa mbrojtëse. Ai mbeti në një ambient ku rreziku nga sulmuesit e mundshëm ishte i lartë.
Gazetari i ANT1 shton se situata tregon një përgjegjësi të madhe, si penale ashtu edhe disiplinore, dhe ngre pyetje për organet e zbatimit të ligjit: “A po kërkohen ata përgjegjës? Nëse një vrasje do të ndodhte në Komisariat, i gjithë departamenti do të shpërbëhej. Tani, a janë ata vetëm spektatorë të krimeve, pa asnjë përgjegjësi?”
