Mësohet identiteti i autorit të dyshuar të plagosjes së 31-vjeçarit Besmir Hakballa. Ngjarja ndodhi mbrëmjen e sotme në Peqin.
Bëhet fjalë për Adriatik Mezjan, person me precedentë penale. Para disa muajsh autori ka qenë objektiv i një atentati me armë zjarri, por ka shpëtuar.
Ndërkaq burime pohuan se i riu i plagosur është një emër i njohur për policinë. Ai është dhëndrri i Tan Kateshit, të dënuar me burg përjetë, një nga eksponentët kryesorë të bandave të rrezikshme të Elbasanit gjatë trazirave të ’97.
Vetë 31-vjeçari, figuron person me precedentë të shumtë penalë si vjedhje, grabitje, trafik narkotikësh. Babai i të plagosurit punon si elektricist në bashki.
