Një operacion i mirëorganizuar i Seksionit për Hetimin e Trafiqeve të Paligjshme, i koduar “Identiteti”, ka çuar në goditjen e një rrjeti kriminal që merrej me falsifikimin e dokumenteve me qëllim kalimin e paligjshëm të kufirit. Pas një hetimi 7-mujor të ndjekur me metoda speciale, policia ka zbuluar një ambient të fshehtë të përshtatur si laborator, ku prodhoheshin dokumente dhe pasaporta të falsifikuara që më pas shiteshin me shifra marramendëse. Në pranga kanë rënë dy shtetas babë e bir, ndërsa një tjetër është proceduar penalisht si bashkëpunëtor.
Zbulohet një ambient i përshtatur si laborator për falsifikimin e dokumenteve të ndryshm me qëllim dhënien e ndihmës për kalim të paligjshëm të kufirit. Sekuestrohen dokumente të dyshuara të falsifikuara dhe sende të tjera të kundërligjshme që shërbenin për ushtrimin e kësaj veprimtarie kriminale.
Vihen në pranga 2 shtetas (babë e bir), njëri prej tyre aktualisht me masë sigurie “Arrest në shtëpi”, dhënë nga SPAK, si pjesëtar i një grupi kriminal për të njëjtën veprimtari. Procedohet penalisht bashkëpunëtori i tyre.
Seksioni i Hetimit të Trafiqeve të Paligjshme, nën drejtimin e Prokurorisë, si rezultat i një hetimi 7-mujor të ndjekur me metoda speciale, finalizoi me sukses operacionin policor të koduar “Identiteti”.
Si rezultat i tij u arrestuan shtetasit Y. B., 65 vjeç, aktualisht me masë sigurie “Arrest në shtëpi”, dhënë nga SPAK, dhe P. B., 45 vjeç (babë e bir), si dhe u procedua penalisht shtetasi Sh. L., 62 vjeç, i cili dyshohet si bashkëpunëtor i dy të arrestuarve.
Finalizohet nga Seksioni i Hetimit të Trafiqeve të Paligjshme, nën drejtimin e Prokurorisë, operacioni policor i koduar “Identiteti”.
