Dëshmitë e të penduarit të drejtësisë, Nuredin Dumani, kanë tronditur mbare opinionin publik por edhe botën e krimit.
Përveç detajeve të ngjarjeve, Dumani ka permendur një sërë emrash qe sipas tij jane te perfshirë në vrasje.
Nje prej tyre është Eljo Bitri, mbi te cilin rendojnë një sërë akuzash që lidhen me 7 episode të ndodhura, mes të cilave vrasja e Dorjan Shkozës dhe Anxhelo Avdiajt, Emiljano Ramazanit, Sokol Sanxhaktarit, apo sulmi me eksploziv i banesës së Talo Çelës.
Eljo (Ervis) Bitri, i datëlindjes 09.02.1987 lindur dhe banues në Gostimë të Elbasanit është në listën e 14 personave të shpallur në kërkim nga SPAK në kuadër të operacionit të koduar “Plumbi i Artë”.
Ai njihet si njeriu që policia e Elbasanit e ka pasur të dyshuar dhe marrë në pyetje disa herë për goditjen e trefishtë të familjes Çapaj në muajin shkurt 2018, ku mbetën të vrare 3 persona dhe 8 u plagosën.
Ai akuzohet për implikimin në vepra të rënda penale si vrasje, vjedhje me dhunë, shkatërrim i pronës me eksploziv.
Eljo është gjithashtu vëllai i Lulzim Bitrit, i skeduar për vrasje në Maqedoninë e Veriut dhe i dyshuar për vrasje në Elbasan, që mbeti i vdekur në tetor të 2021 si pasoje e një atentati në Elbasan.
Ajo që vlen te permendet është se nuk ka një foto te saktë të tij, përveç kesaj që sjellim mëposhtë. AlpeNews.al