Paralelisht me publikimin e përgjimit nga PD të hënën e 14 Majit kanë filluar një sër lëvizjesh të “bashkëpunëtorit X”, Albert Veliu dhe familjes së tij që grenë dyshime të forta për ekzistencën e plani të mirë përgatitur për largimin nga Shqipëria ndoshta, për të kërkuar pastaj azil politik në një vend Europian. Report TV ka mundur të mësojë të gjitha lëvizjet e familjes në Vlorë dhe vetë super dëshmitarit i cili pas publikimit të përgjimit audio ka qëndruar në Tiranë por që dje u bllokua nga policia në Milot gjatë udhëtimit të tij drejt Kosovës.
Një burim në dijeni të rrethanave të lëvizjes së Albert Veliut tregoi se mëngjesin e 17 Majit rreth orës 4 të mëngjesit është telefonuar një kompani taksi të cilës i është kërkuar shërbimi transportit të një personi drejt Kosovës. Nuk dihet ende nëse taksinë e ka telefonuar vetë Veliu apo dikush tjetër sikurse kush do të paguante për këtë udhëtim me kosto 200 euro. Rreth orës 4 e 11 minuta taksia ka ndaluar në një zonë të Tiranës ku në të ka hipur Albert Veliu.
Ky veprim është ndërmarrë për t’i dhënë kohë atij për t’u larguar nga territori shqiptar pasi PD pikërisht pasditen e të enjtes kishte planifikuar transmetimin e video-dëshmisë. Taksia së bashku me Albert Veliun pas 1 orë e 20 minuta nga nisja prej Tiranës kanë ndaluar në Milot për të ngrënë mëngjes.
Dëshmitarë okularë në të njëjtin lokal pohuan për Report Tv se tavolinës ku ishin ulur taksisti dhe Veliu i janë afruar tre efektivë policie të cilët i kanë kërkuar Albertit të shkonte me ta për verifikime. Veliu nuk ka bërë asnjë rezistencë dhe i është bindur kërkesës së policisë. Policët kanë marrë në pyetje edhe taksistin për të mësuar se çfarë lidhje kishte me Albert Veliun. Ai ka deklaruar se ka marrë një njoftim nga salla operative e kompanisë për të transportuar dikë në drejtim të Kosovës. Taksisti është lënë i lirë ndërsa Albert Veliu ka hipur në makinën e policisë. Albert Veliu ishte drejtuar për në Kosovë ku mbase atje ndodhet tashme edhe familja e tij.
