Albert Veliu, “Dëshmitari X” i Partisë Demokratike është marrë në pyetje për pesë orë me radhë nga Prokuroria e Krimeve të Rënda.
Veliut iu regjistrua zëri nga ekspertët e Prokurorisë si provë për videopërgjimin e tij ku pretendon se ka biseduar me Agron Xhafajn, vëllain e ministrit të Brendshëm, Fatmir Xhafaj. Kampionet e zërit të Veliut do krahasohen me audiopërgjimet.
Më herët, ka qenë Agron Xhafaj ai i cili ka dhënë zërin te ekspertët e Prokurorisë për ta krahasuar me zërin audio që dëgjohet në videon e publikuar nga Partia Demokratike me protagonist Albert Veliun.
