Deputeti i Lëvizjes Vetëvendosje, Liburn Aliu, është zhytur në Ibër Lepenc për t’i ardhur në ndihmë njësive të kërkimit rreth zhdukjes së trupave të dy policëve nga aksidenti i së shtunës.
Express ka siguruar fotografi ku shihet Liburn Aliu i zhytur në ujë së bashku me persona të tjerë.
Më herët, Express raportoi se 170 persona, civilë, FSK, policë e vullnetarë kanë dalë për të dhënë ndihmën e tyre për t’i gjetur dy policët e zhdukur tash e disa ditë. Pas dy ditë kërkimesh autoritetet kosovare dhe ato maqedonase nuk kanë arritur t’i gjejnë policët e aksidentuar. Aksidenti ka ndodhur të shtunën, ndërsa detaje tjera rreth ngjarjes ende janë të paqarta.
Përveç Policisë së Kosovës dhe FSK-së në këtë operacion janë angazhuar zjarrfikësit dhe KFOR-i. Kërkimet për gjetjen e tyre, kanë filluar edhe në territorin e Maqedonisë, ku shtrihet lumi Lepenc.
(BalkanWeb)
