Një deputet nga partia e presidentit rus Vladimir Putin, është filmuar teksa godiste me shuplakë një nxënës i cili e kishte fyer atë.
Por çuditërisht përdoruesit e rrjeteve sociale e kanë lavdëruar politikanin Andrey Odintsov për këtë veprim që kishte bërë.
Odintsov ishte duke inspektuar punimet që po zhvilloheshin në stadiumin e një shkolle të mesme në Eldigino në Pushkin të Moskës, kur dy nxënës po bënin zhurmë nga karriget e stadiumit.
I zhgënjyer për mos respektin e treguar nga nxënësit, Odintsov që ka shiritin e zi në karate sikurse presidenti Putin, iu afrua të rinjve dhe pa u menduar dy herë e goditi shuplakë në fytyrë njërin prej tyre.
Nxënësi menjëherë e raportoi rastin tek arsimtarët, kurse Odintsov është ftuar në zyrën e drejtorit të shkollës ku është kërkuar nga ai ta shpjegoj sjelljen e tij në stadium.
Megjithatë, 33-vjeçari ka refuzuar të kërkoj falje për shuplakën e dhënë adoleshentit, duke thënë se “e di se si duhet të trajtoj të rinjtë”.
