Deputeti i Partisë Demokratike, Arbi Agalliu, është shprehur i tronditur nga shembja e “Prestige Resort”.
Ai tha se kjo ngjarje tronditi edhe deputetët e Parlamentit Europian, të cilët sipas tij shprehën keqardhje ditën e djeshme, se si mundet të ndodhë diçka e tillë në këtë mënyrë.
Ai shtoi se ky ishte një sulm i mirëfilltë ndaj fjalës së lirë, pasi dynon të kontrollojë grupin më të madh të medias në vend, që përfshin Gazetën Panorama, BalkanËeb, Neës 24 dhe Gazetën Shqiptare.
“Për ta përmbyllur fjalën time, unë dua të ritheksoj faktin që ky fenomen ishte një dëshmi e qartë sesi qeveria po godet befasisht dhe në mënyrë klienteliste. Jemi ndierë tmerrësisht keq në Bruksel, sepse rrallë herë, pozita dhe opozita binin dakord… Kjo vjen si rrufe dhe ndiheshim keq, por krahas korrupsionit, abuzimit me tenderat e PPP-të, iu shtua si “qershia mbi tortë” edhe prishja e “Prestige Resort”.
Reagimi i tillë është një goditje ndaj fjalës së lirë. Ne kërkojmë të çojmë para çështjen e integrimit në BE, por kjo nuk ndodh. Keqardhje shprehën edhe deputetët e Parlamentit Europian, se si ndodh diçka e tillë në ditë për diell, ku brenda kishte edhe punonjës. Çdo gjë është në kundërshtim me ligjin dhe me themelet e demokracisë. Kjo u pa që ndërhyrjen e parë gjatë muajve të pushimit në resort, sepse është fatkeqësi që një turist i huaj paguan nga mundi i tij për të vizituar Shqipërinë dhe shteti bëhet frenues i atyre bizneseve private që punojnë për ta zhvilluar vendin.
Të gjitha këto tregojnë që nuk ka asnjë lidhje me parregullsinë, por ka të bëjë me goditjen e mediave, pasi Gazeta Panorama, Balkanëeb, Neës 24 qëndrojnë jo krahas qeverisë, por në anën e të vërtetës. Imagjinoni ishte një sesion i veçantë sot vetëm për lirinë e medias”, u shpreh Agalliu.