Ngjarja e rëndë e ndodhur mbrëmjen e djeshme jashtë ambienteve të Top Channel duket se ka qenë e paralajmëruar.
Në rrjet po qarkullon një video ku shihen banorët e Big Brother Vip Albania teksa ndodhen në verandë dhe bisedojnë.
Në këtë moment Kristi ndërpret diskutimin me Visin dhe i tregon për të shtënat që vijnë nga jashtë ndërkohë që banorët e kalojnë me të qeshur pa e kuptuar se çfarë po ndodh në të vërtetë.
“Ishte automatike…afër dhe larg ndodhin gjërat”, “Por nuk ishte shumë”, dëgjohen teksa bisedojnë banorët.
Mbrëmjen e djeshme ka qenë sërish Kristi i cili ka qenë i ulur në oborr, këtë herë me Qetsorin në momentin kur janë ndjerë të shtënat.
Qetsori e ka kuptuar menjëherë se bëhet fjalë për të shtëna me armë zjarri tip kallashnikov. Megjithatë banorët ende nuk janë informuar në lidhje me ngjarjen e rëndë, që i mori jetën rojes së godinës së Top Channel vetëm pak metra ngjitur me shtëpinë ku ata po jetojnë prej gati 100 ditësh.
