Aleati kryesor i Lulzim Bashës, Fatmir Mediu ka kritikuar vendimin e tij për të qendruar jashtë Parlamentit.
Prej disa muajsh deputetët e opozitës, po bojkotojnë Kuvendin dhe po shkojnë në limite të djegies së mandateve.
Kreu i Partisë Republikane thekson se prania e opozitës në Kuvend është e nevojshme.
“Opozita duhet të jetë në Parlament për të ndërtuar shpresën e këtij vendi. Duhet t’i kthejmë besimin shqiptarëve. Qëndrimi ynë aktual ka të bëjë me disa çështje që e kanë të nevojshme këtë vendim. Por personalisht mendoj se duhet të jemi në Kuvend”, u shpreh Mediu.
