Mblidhet Komisioni Qendror i Zgjedhjeve për mandatet e deputetëve Aqif Rakipi dhe Gledjon Rehovica. Ky shqyrim vjen pas kallzimit të bërë nga Prokuroria në mbyllje të 2017-ës.
Në mbledhje mungon deputeti i PDIU, Aqif Rakipi, i cili përfaqësohet nga avokatët Theodhori Sollaku dhe E.Dono. Ndërsa Deputeti i LSI Gledjon Rahovica ndodhet në sallë.
Sipas pretendimit të Prokurorisë dy deputetët në fjalë nuk kishin treguar në formularin e Dekriminalizimit që ishin ndaluar më parë nga policia italiane.
Sipas të dhënave paraprake del që deputeti i LSI Gledjon Rahovica nuk ka deeklaruar ndalimin nga policia italjane. Mbi deputetin Rahovica rëndon akuza e “vjedhjes”.
Në datën 22 dhjetor Interpol Roma solli të dhëna interesante për dy deputetët.
Për deputetin e PDIU-së, Rakipi Interpol Roma thotë se ai është raportuar për vjedhje me emrin Skënder Ejylbegaj. Vjedhja në fjalë ka ndodhur në 03.11.1998, kohë kur deputeti ka deklaruar në formularin e dekriminalizimit se ka qenë emigrant në Itali.
Deputeti i LSI-së, Gledion Rehovica sipas Interpol Romës, është i raportuar për vjedhje dyqani me emrin Kusta Mina në 27.02.1999, kohë kur vetë deputeti ka deklaruar se jetonte në Itali si student.
Të dy deputetët nuk deklaruan ndalimet në formular dhe as përdorimin e emrave të tjerë, çka sipas ligjit të dekriminalizimit përbën arsye për ndërprerje të menjëhershme mandati.
1. Për shqyrtimin e rezultatit të verifikimit të Prokurorisë së Përgjithshme për funksionarin publik z.Gledjon Rehovica, deputet i Kuvendit të Shqipërisë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
2. Për shqyrtimin e rezultatit të verifikimit të Prokurorisë së Përgjithshme për funksionarin publik z.Aqif Rakipi, deputet i Kuvendit të Shqipërisë, në zbatim të ligjit nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”.
Përgatiti: AlpeNews.al
