Fakte të reja kanë dalë në dritë nga e kaluara e Dianës ose të paktën kështu pretendohet.
Një ish-tenist i njohur serb pretendon se ka pasur një marrëdhënie me Princeshën Diana, ndërsa ajo ishte akoma e martuar me Princin Çarls.
Sllobodan Zhivojinoviç, 52 vjeç, thotë se marrëdhënia mes tyre nisi në fund të viteve ’80, kur ajo po e ndiqte gjatë një ndeshje në Uimbëlldon shkruan telegrafi.
Pas kësaj, ata u bënë ekstremisht të afërt me njëri-tjetrin.
Zhivojinoviç thotë se Dianaa e ndiqte atë nga afër fushës dhe jo nga lozha e VIP-ave, për të qenë më pranë.
Duke folur për një gazetë serbe, ai tha se ishte takuar me Princeshën në vitin 1987.
“Ajo më pyeti nëse jam tenisti me shërbimin më të shpejtë dhe i thashë po”.
“Ajo ishte një grua e mrekullueshme. Me të mund të flisja për gjithçka dhe madje edhe gjërat më të vogla ishin fantastike”.